ԴԱԻՇ ահաբեկչական խմբավորման գրոհայինները կենդանի այրել են գերեվարված սիրիացի օդաչուին, հաղորդում է The Daily Mail-ը:
Պարբերականի տեղեկություններով՝ օդաչու Ազամ Էյդը գերի էր ընկել անցած տարվա ապրիլին այն բանից հետո, երբ խոցվել էր ՄիԳ-23-ը:
Ահաբեկիչները նաև տեսանյութ են հրապարակել, սակայն չեն նշել նկարահանման ամսաթիվը: Նախ սափրել են Էյդի գլուխը, ապա նարնջագույն հագուստ հագցրել և պարանոցին շղթա գցել:
Դրանից հետո օդաչուին կապել են ծառին և այրել:
The Daily Mail-ը նշում է, որ դա կենդանի այրման միջոցով մահապատժի երկրորդ հայտնի դեպքն է: Այդպիսով ահաբեկիչները վրեժ են լուծել իրենց դիրքերի ուղղությամբ հասցված ավիահարվածների համար: