Գերմանիայի Քյոլն քաղաքում բացվել է Հայոց ցեղասպանության զոհերին նվիրված հուշակոթող: Այս մասին հայտնում է Sabah լրատվականը:
Հուշակոթողի բացման որոշումը կահայցվել է այս տարվա գարնանը: Հատկանշական է, որ այն համընկել է թուրք-գերմանական հարաբերությունների լարմանը:
Հուշարձանը կանգնեցվել է Lehmbacher Weg գերազմանատանը, որտեղ կան նաև մահմեդականների գերեզմաններ: Ցեղասպանության զոհերին նվիրված հուշարձանի ստեղծման առաջարկը Քյոլնի ավելի քան 5000-անոց հայկական համայնքը ներկայացրել է դեռևս 2015-ին:
Քյոլնի թուրքական համայնքը, որ գերազանցում է 100 հազարը, դժգոհությամբ է ընդունել Ցեղասպանության զոհերի հիշատակին նվիրված հուշակոթողի բացման որոշումը: Համայնքի առաջատար ներկայացուցիչներից Լևենթ Թաշքըրանը դեռևս գարնանը նշել է, որ իրենք երկու տարի շարունակ պայքարել են, որ այս որոշումը չհաստատվի: