Մեծ Բրիտանիայի Հանրային պալատի Պահպանողական կուսակցության պատգամավորներն իրենց անվստահությունն են հայտնել երկրի վարչապետ Թերեզա Մեյին՝ վերջինին մեղադրելով Brexit-ի գործընթացի ձգձգման համար, հաղորդում է The Times-ը:
Պարբերականի տվյալներով՝ համապատասխան նամակն ստորագրել է 40 պատգամավոր, ովքեր նշում են, որ վարչապետն սկզբունքային հարցերի շուրջ հստակ դիրքորոշում չունի:
Միևնույն ժամանակ բրիտանական ընդդիմության առաջնորդ Ջերեմ Քորբինը որոշել է վերջնագիր ներկայացնել Մեյին՝ «ղեկավարի՛ր կամ հեռացի՛ր» պահանջով, քանի որ նա «իշխանության ղեկին է պաշտոնապես, բայց ոչ գործնականում»:
Հարկ է նշել, սակայն, որ խորհրդարանի ստորին պալատի պահպանողական պատգամավորների միայն 8%-ն է դժգոհ Թերեզա Մեյի գործունեությունից, իսկ արտահերթ ընտրութունների կամ վարչապետի փոփոխության համար ևս 8 խորհրդարանականի ստորագրություն է անհրաժեշտ:
Նշենք, որ ավելի վաղ Եվրոմիության կողմից Brexit-ի հարցով բանակցողներն սպառնացել էին մինչև գալիք տարվա մարտը սառեցնել առևտրի վերաբերյալ բանակցությունները, եթե Մեծ Բրիտանիան հրաժարվի համաձայնեցնել ԵՄ կազմից դուրս գալու մասին օրենքը: