Այսօր Լոնդոնի բորսայում եվրոպական «Բրենթ» մակնշման նավթի 1 բարելի արժեքը հասել է 62.87 դոլարի, ինչը 1.3%-ով ավելի է աշխատանքային վերջին օրը շուկայի փակման ժամանակ գրանցած ցուցանիշից: Ավելի թանկ վերջին անգամ եվրոպական նավթը գնահատվել է 2015թ. հուլիսին:
Ըստ Bloomberg-ի վերլուծաբանների՝ նավթի գների աճը պայմանավորված է Սաուդյան Արաբիայում թագավորական ընտանիքի անդամների ձերբակալումների հետ: Հարկ է նշել, որ ձերբակալվածների թվում է նաև Saudi Aramco-ի կառավարման խմբի անդամ, ֆինանսների նախկին նախարար Իբրահիմ ալ Ասսաֆան: