Ստամբուլի նահանգի Շիլե շրջանի ափերի մոտ թուրքական բեռնանավ է խորտակվել, որի վրա գտնվել է 11 մարդ, այս մասին հայտնում է թուրքական «Հյուրրիյեթ» պարբերականը:
Մարմարա ծովի ջրերում փրկարարները գտել են միայն 4-ի դին:
«Բիլալ Բալ» նավն ուղևորվում էր Սև ծով՝ փոխադրելով 3.080 տոննա բեռ: Հայտնի է, որ նավը խորտակվել է վաղ առավոտյան:
Դեպքի առնչությամբ իր ափսոսանքն է հայտնել Թուրքիայի վարչապետ Բինալի Յըլդըրըմը՝ հաստատելով 11 զոհի մասին տեղեկությունը:
Որոնողական աշխատանքները շարունակվում են, նավի խորտակման պատճառների մասին տեղեկություններ չեն հաղորդվել: