Չինաստանում մահացած 14-ամյա մոդելի մայրը պարզել է նրա մահվան իրական պատճառը
 Չինաստանում օրեր առաջ մահացած 14-ամյա ռուս մանեկենուհի Վլադա Դյուբան դարձել է, այսպես կոչված, «ստրկական պայմանագրի» զոհը, գրում է The Sun-ը՝ հղում անելով աղջկա մոր հայտարարությունը: «Իմ աղջկա մահվան պատճառը բնավ էլ մինինգիտը չէ, ինչպես պնդում են նրան մահվան հասցնողները: Նա մահացել է գերհյուծումից»,- ասել է մայրը՝ Օկսանան:  Վլադա Դյուբա Մայրը փորձել է վիզա ստանալ և մեկնել Շանհայ՝ դստերը փրկելու, սակայն չի հասցրել: Այս շաբաթ Վլադան մասնակցել է մի ցուցադրության, որն, ըստ տվյալների, տևել է 12 ժամ: Չնայած աղջիկը բողոքել է վատ ինքնազգացողությունից, նրան, այնուամենայնիվ, ստիպել են պոդիում բարձրանալ, այնինչ, պայմանագրի համաձայն, նա չպետք է աշխատեր օրական 3 ժամից ավելի:  Վլադա Դյուբա Դեռատի աղջիկն ուշագնաց է եղել հենց ցուցադրության ժամանակ, կուլիսներում, երբ նրան հիվանդանոց են հասցրել, նա կոմայի կեջ է գտնվել, 2 օր անց, ուշքի չգալով, մահացել է: Աղջկան Չինաստանում աշխատելու էր ուղարկել Պերմում գործող գործակալությունը, որի տնօրենը խոստովանել է, որ հարկ եղածին չափ ուշադիր չի զննել չինական կողմի պայմանագիրն ու բժշկական ապահովագրության պայմանները: |
