«Նավթոգազը»-ը դատի է տվել Ռուսաստանին` պահանջելով 5 միլիարդ դոլարի փոխհատուցում` Ղրիմում ակտիվների կորստի պատճառով, РИА Новости-ի փոխանցմամբ՝ ասվում է ընկերության հաղորդագրության մեջ:
Դիմումը ներկայացվել է Հաագայի Մշտական դատարանի կողմից ստեղծված ատյան: «Նավթոգազ»-ից բացի, վարույթի նախաձեռնողները վեց «դուստր» ընկերություններն են` «Չերնոմորնեֆտգազ», «Ուկրտրանսգազ», «Լիկվո», «Ուկրգազդոբիչա», «Ուկրտրանսնևթ» և «Գազ Ուկրաինա»:
Իր կորուստներն ուկրաինական կորպորացիան գնահատել է շուրջ 5 միլիարդ դոլար: Ընկերության շահերը դատարանում կներկայացնեն Covington & Burling LL-ի իրավաբանները:
«Նավթոգազը»-ը նշել է, որ դատարանը պետք է որոշում կայացնի մինչև 2018-ի ավարտը: