Այսօր գեղանկարիչ Մհեր Ստեփանյանի ծննդյան օրն է: Նրա աշխատանքներում կան շատ լավատեսական գործեր, սակայն նկարչի պնդմամբ` նկարիչները երբեմն կանխազգում են գալիք վտանգն ու ենթագիտակցորեն անդրադառնում դրան:
«Պատահական չէ, որ ամենավատ պայմաններում ստեղծվում են գլուխգործոցներ: Ցանկացած իրավիճակ ամենասուրը տանում է արվեստագետը:
Շոկերն, այդ տեսակ իմպուլսներն ավելի են միախմբում և բյուրեղացնում: Եվ այդ ուժի դեմ ոչինչ չի կարող կանգնել»,- համոզված է Մհեր Ստեփանյանը: Ի տարբերություն շատ նկարիչների, Մհեր Ստեփանյանը շատ կապված չէ իր նկարների հետ և հեշտությամբ է դրանք նվիրում:
«Ամեն մի գործ թանկ է ինձ համար, բայց երբ մոլբերտից վերցնում եմ, արդեն մտածում եմ հաջորդի մասին»,- ասում է նկարիչը:
Մհեր Ստեփանյանը 1988-1994-ին սովորել է Երևանի պետ.Գեղարվեստա-թատերական ինստիտուտում, 2002-ից ՀՀ նկարիչներիրի միության անդամ է:
