Աֆղանաստանի Հարաթ քաղաքում ահաբեկչության հետևանքով առնվազն 30 մարդ է մահացել, շուրջ 63 մարդ վիրավորվել է: Այս մասին հաղորդում է Al Jazeera-ն: Ավելի ուշ, սակայն, նահանգապետ Ջալանի Ֆարհադը հեռուստաալիքին հայտնել է, որ զոհերի թիվը հասել է 50-ի:
Ահաբեկչությունը տեղի է ունեցել շիա մահմեդականների մզկիթում, երեկոյան աղոթքի ժամանակ: Այդ պահին մզկիթում մոտ 300 մարդ է գտնվել:
Ոստիկանության տվյալներով՝ մզկիթի մոտ մահապարտ ահաբեկիչը պայթեցրել է իրեն, իսկ մեկ այլ ահաբեկիչ կրակ է բացել մարդկանց վրա: Վերջինը ևս մահացել է: