«Սասնա ծռեր» խմբին օժանդակելու համար մեղադրվող Կարո Եղնուկյանի բողոքը Մարդու իրավունքների եվրոպական դատարանը բավարարել է: «10.07.2017թ. գրություն է ստացվել այն մասին, որ կանոնակարգի 41-րդ հոդվածին համապատասխան գանգատին առաջնահերթություն տալու վերաբերյալ խնդրանքը բավարարվել է»,- այս մասին տեղեկանում ենք Կարո Եղնուկյանի աղջկա` Էլմոն Եղնուկյանի ֆեյսբուքյան էջից: Նշենք, որ Կարո Եղնուկյանը բողոքարկել էր իր նկատմամբ ապօրինի ընտրված կալանքը, նա նաև միջնորդել էր դատարանին իր գործը հնարավորինս շուտ քննել:
Հիշեցնենք, որ Կարո Եղնուկյանը մեղադրվում է Քրեական օրենսգրքի 218 և219 հոդվածներով՝ պատանդ վերցնելուն, շենքեր, շինություններ, տրանսպորտի, հաղորդակցության կամ կապի միջոցներ զավթելուն աջակցելու համար: