ԱՄՆ նախագահ Դոնալդ Թրամփի թիմը հետաքննություն է սկսում ՌԴ հարցերով հատուկ դատախազ Ռոբերտ Մյուլլերի նկատմամբ: Այս մասին հաղորդում է The New York Times-ը:
Լրատվականի տվյալներով` Թրամփի օգնականներն ու փաստաբանները փորձում են պարզել` արդյոք Մյուլլերը ֆինանսապես աջակցել է Դեմոկրատական կուսակցությանը և արդյոք կապեր է ունեցել ՀԴԲ նախկին ղեկավար Ջեյմս Քոմիի հետ:
Հիշեցնենք, որ Ռոբերտ Մյուլլերը ԱՄՆ նախագահական ընտրություններին Ռուսաստանի միջամտությունը պարզելու գործով հետաքննություն էր սկսել: Հաղորդվում է, որ եթե Թրամփի թիմին հաջողվի ապացուցել վերը նշված մեղադրանքներն, ապա Մյուլլերին ու նրա թիմին կարող են հեռացնել Թրամփի դեմ տարվող հետաքննությունից: