ԱՄՆ-ի հարկային ծառայությունը մեղադրանքներ է առաջադրել ամերիկացի բռնցքամարտիկ Ֆլոյդ Մեյվեյզեր-կրտսերին՝ հարկերից խուսափելու համար։ Նշվում է, որ բռնցքամարտիկը 2015-ին չի վճարել 22,2 մլն դոլարի չափով հարկ։ Այդ տարի մարզիկը մենամարտել է Մենի Պակյաոյի հետ՝ վաստակելով 200 մլն դոլար։ Ի պատասխան մեղադրանքների՝ Մեյվեյզերը նշել է, որ վճարել է 26 մլն դոլար հարկ և համոզված է, որ իրեն կզգուշացնեին, եթե որևէ պարտք ունենար։