ԱՄՆ Ֆլորիդա նահանգի լողափերից մեկում մոտ 80 մարդ շուրջ 100 մետրանոց կենդանի շղթա է կազմել, որպեսզի փրկի ուժեղ հոսանքի հետևանքով ափից հեռացած և խեղդվելու սպառնալիքի տակ հայտնված եղբայրներին: Այս մասին հաղորդում է CBS հեռուստաալիքը:
Հաղորդվում է, որ Ռոբերտա Ուրսրեյն ընտանիքի հետ հանգստանալիս է եղել ափին և նկատել է, որ իր երկու որդիները կորել են: Կինը, տեսելով, որ հոսանքը հեռու է քշել իր երեխաներին, նետվել է նրանց փրկելու, նրան օգնության են շտապել ընտանիքի ևս 6 անդամ:
Խեղդվողներին օգնության են հասել նաև ափում գտնվող այլ մարդիկ, անգամ նրանք, ովքեր լողալ չեն իմացել: Նրանք որոշել են կենդանի շղթա կազմել, ինչի շնորհիվ էլ կարողացել են փրկել տղաներին: