Պենտագոնը չի հասատատել ԴԱԻՇ ահաբեկչական խմբավորման առաջնորդ Աբու-Բաքր ալ-Բաղդադիի ոչնչացման մասին տեղեկությունը։ «Ներկա պահին որևէ բան չունենք, որը կհաստատեր այդ հաղորդագրությունը»,- ասել է գերատեսչության ներկայացուցիչը, փոխանցում է РИА «Новости»-ն:
Ավելի վաղ Ռուսաստանի պաշտպանության նախարարությունը տեղեկացրել էր, որ ԴԱԻՇ ղեկավարը, նախնական տեղեկություններով, ոչնչացվել է ռուսական ավիացիայի կողմից: Գերատեսչությունը նշում էր, որ, տարբեր ալիքներով ստուգվող տեղեկություններով, առաջնորդին ու ևս մի քանի բարձրաստիճան զինյալների և 300 ահաբեկիչների ոչնչացրել են մայիսի 28-ին՝ Ռաքքայի հարավային արվարձանի մոտ։