Ռուս գրող և քաղաքական գործիչ Էդուարդ Լիմոնովն հայտնվել է Ադրբեջանի իշխանությունների սև ցուցակում՝ Արցախ այցելելու համար: Այդ մասին РИА Новости-ին հայտնել է Ադրբեջանի ԱԳՆ-ի պաշտոնական ներկայացուցիչ Հիքմեթ Հաջիևը:
Բաքուն 2013 թվականին հրապարակել է Լեռնային Ղարաբաղ այցելած օտարերկրացիների սև ցուցակը: Ցուցակում ընդգրկված մարդկանց արգելվում է մուտք գործել Ադրբեջան: Ցանկը պարբերաբար թարմացվում է այն մարդկանց անուններով, որոնք այցելում են Լեռնային Ղարաբաղի Հանրապետություն:
Հաջիևը նշել է, որ Լիմոնովի կողմից Լեռնային Ղարաբաղ այցելությունը հաստատվել է, ինչի առնչությամբ էլ նրա անունն ընդգրկվել է Ադրբեջանում անցանկալի անձանց ցանկում: