Նիդեռլանդների խորհրդարանի վերին պալատը վերջնականապես վավերացրել է Ուկրաինայի և Եվրոմիության ասոցացման մասին համաձայնագիրը, գրում է rbk-ն՝ հավելելով, որ Նիդեռլանդները վերջին երկիրն էր, որը չէր հաստատել այն:
Մոտակա օրերին փաստաթուղթը կստորագրի ՎիլլեմԱլեքսանդր թագավորը, ինչից հետո ԵՄ խորհրդի կողմից որոշումն ուժի մեջ կմտնի: Եթե ամեն ինչ անցնի ըստ ծրագրվածի, ապա համաձայնագիրը կսկսի գործել արդեն 2017-ի օգոստոսի 1-ից:
Հիշեցնենք՝ ասոցացման համաձայնագիրը գործում էր 2014-ից, բայց ժամանակավոր հիմունքներով: 2016-ից ուժի մեջ էր մտել ազատ առևտրի գոտու մասին փաստաթուղթը: