Աշխարհի ամենաբարձր վարձատրվող մոդելներից մեկը` Միրանդա Քերն ու Snapchat-ի հիմնադիր Էվան Շփիգելն ամուսնացել են: Պսակադրության արարողությունը կայացել է Բրենթվուդում գտնվող նրանց տան ետնաբակում: Այս մասին հայտնում է E! News-ը:
Պսակադրությանը նեկա է եղել մոտ 50 մարդ: Հայտնի չէ, թե ովքեր են եղել արարողության հյուրերը: Նրանք հարսանիքի են եկել մգեցված ապակիներով ավտոմեքենաներով:
Միրանդա Քերն ու Էվան Շփիգելը միասին են 2015թ.: Մինչ այդ մոդելն ամուսնացած է եղել դերասան Օռլանդո Բլումի հետ: Նրանք ամուսնալուծվել են 2013թ., բայց միասին են դաստիարակում իրենց որդուն` Ֆլինին: