Վենեսուելայում ցույցերի ընթացքում այրել են նախկին նախագահ Ուգո Չավեսի մանկության տունը, որ գտնվում է Սաբանետա քաղաքում: Այս մասին հայտնում է El Nacional-ը:
Լրատվականի տվյալներով, սա արվել է Բարինասում մի երիտասարդի սպանությանն ի պատասխան: Երիտասարդի սպանության համար ցուցարարները մեղադրում են ազգային գվարդիային:
Ավելի վաղ Վենեսուելայի քաղաքներից մեկում ցուցարարները տապալել էին Ուգո չավեսի արձանը:
Վենեսուելայում բողաքի ցույցերն ու անկարգությունները շարունակվում են արդեն մոտ 2 ամիս: Այդ ընթացքում զոհվել է 46 մարդ, 100-ավոր մարդիկ վիրավորվել են: