Հետաքրքիր է

Նամիբիայի հարավում ալմաստ արդյունահանող De Beer ընկերության աշխատակիցներն անապատում գտել են 500-ամյա նավի մնացորդներ: Ինչպես պատմությունից հայտնի է, պորտուգալական Bom Jesus նավն անհետացել է 1533 թվականին՝ դեպի Հնդկաստան ճանապարհին: Այն գտել են ավազի բավականին հաստ շերտի տակ՝ հնագույն ձեռակերտ ծովածոցի տեղում, որտեղ հիմա աղի լիճ է:

Այդ լճի չորացման աշխատանքների ժամանակ էլ հայտնաբերվել է նավը, որի պահոցում գտնվել են պորտուգալական, իսպանական, վենետիկյան ավելի քան 2500 ոսկե մետաղադրամներ, բազմաթիվ փղոսկեր Արևմտյան Աֆրիկայից, գերմանական պղնձե ձուլակտորներ, զենք ու կմախքներ: Գանձերի ընդհանուր արժեքը 13 միլիոն դոլար է: