ԴԱԻՇ և «Ջեբհաթ ան-Նուսրա» ահաբեկչական խմբավորման գրոհայիններն օգտագործում են ռուսական արտադրության դիպուկահար հրացաններ, որոնք հագեցած են թիրախի գիշերային տեսանելիության նշանոցներով և էլեկտրոնիկայով:
Սա պարզել են սիրիացի զինվորականները, որոնք ուսումնասիրել են ոչնչացված ահաբեկիչներից վերցված ռազմավարը: Փորձագետների խոսքերով՝ գրոհայիններն օգտագործում են նաև ՆԱՏՕ-ի անդամ երկրների բանակների զինամթերքում ներառված զենքեր, այդ թվում՝ Remington MSR կամ ավստրիական Steyr Mannlicher SSG 08:
Ընդ որում, փորձագետները նշում են, որ այս զենքերի հետ պետք է կիրառվեն նաև 3-րդ սերնդի գերժամանակակից նշանոցներ, որոնք ներկա դրությամբ արտադրվում են միայն ՌԴ-ում ու ԱՄՆ-ում: Ընդ որում, երկու երկրներում էլ կտրականապես արգելված է այս նշանոցների արտահանումը երկրի սահմաններից դուրս:
Նշենք, որ այս դիպուկահար զենքերի կրակոցներից վերջին շրջանում արդեն 3 ռուս զինծառայող է զոհվել: