Համացանց

     Ադրբեջանի պաշտպանության, ավելի ճիշտ կլինի ասել՝ հարձակման նախարար Զաքիր Հասանովն իր ենթականերին կոչ է արել պատրաստ լինել ամենաակտիվ մարտերի: Սովորաբար պատերազմ սկսողն այդ մասին չի բարձրաձայնում, որպեսզի այն հանկարծակի լինի, անակնկալի բերի հակառակորդին: Սակայն ժամանակը Ալիևին հարկադրում է ավելի ակտիվ լինել: Մեկ բարել նավթի համաշխահային գինը 52 դոլար է, իսկ Ադրբեջանում արդյունահանվող նավթի ինքնարժեքը 66 դոլար է, նավթի վաճառքի գինը միտում չունի բարձրանալու: 6-7 տարի հետո Ադրբեջանի նավթային պաշարները գրեթե սպառվելու են, իսկ արդյունահանվող բնական գազից ստացված հասույթը չի փոխհատուցելու նավթից ստացվող եկամուտները: Դա չի նշանակում, որ Հայաստանի իշխանությունը պետք է 6-7 տարի ժամանակ ձգի, սպասելով Ադրբեջանի տնտեսական անկմանը: Հայաստանի տնտեսության մեջ, քաղաքական կյանքում, հանրային կառավարման ոլորտում, դատական համակարգում բարեփոխումներ պետք է անել, ոչ թե՝ դրանց իմիտացիա անել, ինչը մինչ այժմ արվել է: