Մոսկվայի մարզի Ռամենսկ քաղաքում իրավապահները փորձում են պարզել այս գիշեր տեղի ունեցած ողբերգական միջադեպի պատճառները:
Հաղորդվում է, որ առավոտյան ոստիկանությունը տեղեկատվություն է ստացել, որ քաղաքի բնակարաններից մեկի հրդեհը մարելուց հետո 50-ամյա տղամարդու, 49-ամյա կնոջ և 26-ամյա աղջկա մարմիններ են հայտնաբերվել` դանակից ստացած վիրավորումներով:
Նույն բնակարանից հիվանդանոց է տեղափոխվել 77-ամյա տարեց կին. հենց նա է կանչել հրշեջներին:
Քննության վարկածով` ընտանիքի տղամարդն սպանել է կնոջն ու դստերը, ինչից հետո այրել բնակարանն ու ինքնասպան եղել: Նախնական տվյալներով` տղամարդը հանցանքն իրականացրել է վեճից հետո:
Հաղորդվում է, որ նա ավիադիսպեչեր է աշխատել մոսկովյան օդանավակայաններից մեկում: