Գանայի կենտրոնական հատվածում գտնվող Կինտանպո քաղաքի մերձակայքում` զբոսաշրջիկների շրջանում հայտնի ջրվեժի մոտ ծառն ընկել է մարդկանց վրա, ինչի հետևանքով առնվազն 20 զոհ կա: Ոստիկանության և փրկարար ծառայությունների հաղորդմամբ` զոհվածներն ուսանողներ են. նրանք լողալիս են եղել գետում, երբ փոթորիկ է սկսվել, ինչն էլ ծառի անկման պատճառ է դարձել, փոխանցում է BBC-ն: Նշվում է, որ 18 ուսանող մահացել է տեղում, 2-ը` հիվանդանոցում: 11 մարդ վիրավոր է: