Վարչապետ Կարեն Կարապետյանի մարզային այցերի հաջորդ կանգառը Լոռին է: Ըստ լուրերի` Լոռիում նրան անհամբեր սպասում են բնապահպաններն, ովքեր պարբերաբար բարձրաձայնում են Ախթալայի հանքավայրի շահագործման և դրա հետևանքների մասին: Ասում են, որ տեղի իշխանություններն ու հանքերի շահագործողները հրահանգ են ստացել հողով հապճեպ ծածկել բաց պոչամբարները, որոնք լի են մթնոլորտն աղտոտող ու առողջության համար խիստ վնասակար թունավոր նյութերով: Ասում են նաև, որ այդկերպ նրանք փորձում են խուսափել հարցի հանրայնացումից և հանցանքի բացահայտումից: