ԱՄՆ նախկին նախագահ Բարաք Օբամայի ֆրանսիացի համակիրները ցանկանում են, որ նա Ֆրանսիայի նախագահի թեկնածու առաջադրվի: Այս մասին հայտնում է ABC News լրատվականը:
Ակտիվիստները ողջ Ֆրանսիայի տարածքում պաստառներ են տարածել Օբամայի լուսանկարով ու «Օբամա17» գրությամբ: Ստեղծվել է նաև համանուն կայք, որտեղ ստորագրահավաք է անցկացվում, որով Օբամային կհամոզեն առաջադել իր թեկնածությունը:
«Այն ժամանակ, երբ Ֆրանսիան ցանկանում է զանգվածաբար քվեարկել ուլտրաաջակողմյան թեկնածուի օգտին, մենք դեռ կարող ենք ժողովրդավարության դաս տալ այս մոլորակին` օտարերկրացի նախագահ ընտրելով»,- ասվում է կայքում տեղադրված հայտարարության մեջ:
Հարկ է նշել, սակայն, որ առնվազն մեկ ծանրակշիռ պատճառ կա, որն արգելում է Օբամային դառնալ Ֆրանսիայի նախագահ. Ֆրնասիայի նախագահը պետք է ֆրանսիացի լինի: