Դեկտեմբերի 15-ին կայանալիք այս տարվա վերջին նիստի ընթացքում Եվրոմիությունը մտադիր է ևս կես տարով երկարաձգել ՌԴ հանդեպ կիրառված հիմնական տնտեսական պատժամիջոցները:
Այս մասին հաղորդում է Reuters միջազգային լրատվական գործակալությունը՝ հղում անելով սեփական աղբյուրներին:
Ըստ աղբյուրի՝ պատժամիջոցները, որոնց ժամկետը լրանում է գալիք տարվա հունվարին, «անշուշտ կերկարաձգվեն»: Այդ գործընթացը կավարտվի մինչ դեկտեմբերի 20-ը:
Հաղորդվում է, որ խոսքը վերաբերում է այն պատժամիջոցներին, որոնք վերաբերում են միջազգային ֆինանսովորմանը, ռազմապաշտպանողական և էներգետիկ համագործակցությանը:
Հիշեցնենք, որ Եվրոմիությունն արդեն իսկ երկարաձգել է ՌԴ մի շարք քաղաքացիների հանդեպ կիրառված անհատական պատժամիջոցները: