Պորտուգալիայի ազգային հավաքականի և Մադրիդի «Ռեալ»-ի հարձակվող Կրիշտիանու Ռոնալդուն նոր պայմանագիր է կնքել իսպանական ակումբի հետ։ Այս մասին հայտնում է «Ռեալ»-ի պաշտոնական կայքը: Ռոնալդուի նոր պայմանագիրը նախատեսված է մինչև 2021 թվականի հունիսի 30-ը։ Պայմանագրի ֆինանսական մանրամասները հայտնի չեն։
Նշենք, որ այսօր Մադրիդի «Սանտյագո Բերնաբեու» մարզադաշտում տեղի կունենա Ռոնալդուի նոր պայմանագրի հետ կապված միջոցառում, որին ներկա կլինեն ակումբի նախագահ Ֆլորենտինո Պերեսը և ֆուտբոլիստը: