Թուրքական բանակը 108 հրետանային հարված է հասցրել ահաբեկիչների դիրքերին Սիրիայի հյուսիսում գտնվող Ջարաբլուս քաղաքի տարածքում, ոչնչացված է 21 թիրախ, հաղորդում է РИА Новости-ն՝ հղում անելով Թուրքիայի ԶՈՒ-ի Գլխավոր շտաբին:
Ընդ որում չի հստակեցվում, թե կոնկրետ որ թիրախների ուղղությամբ են հարվածներ հասցվել՝ ԴԱԻՇ-ի դիրքերին, թե սիրիացի քրդերի ինքնապաշտպանական ուժերի, որոնց Անկարան համարում է Քրդական Աշխատավորական կուսակցության հետ կապված ահաբեկչական կազմակերպություն:
Հիշեցնենք, որ Թուրքիայի բանակի ստորաբաժանումներն օգոստոսի 24-ի առավոտյան լայնամաշտաբ գործողություն են սկսել ԴԱԻՇ ահաբեկչական կազմակերպության զինյալների կողմից վերահսկվող Ջերաբլուս քաղաքում: Մեկ օրվա ընթացքում ահաբեկիչները լքել են քաղաքը, սակայն հարվածները քրդական դիրքերի ուղղությամբ շարունակվել են: