«Ֆինանսների նախարարն էլ, ԿԲ նախագահն էլ, պաշտոնական թվերով միլիոնատեր են՝ դոլարով: Եկել են, էս ամբիոնից Դանիայի չինովնիկների մասին են խոսում: Դուք որ Դանիայում պաշտոնյա աշխատեիք ընենց, ոնց որ ՀՀ-ում եք աշխատում, ոչ թե ամեն օր բրոնիրովաննի «Լիմուզին»-ով գործի կգնայիք, այլ պալասատի պիժամոյով՝ պռագուլկի»,- Աժ ամբիոնից հայտարարեց Նիկոլ Փաշինյանը:
Ավելի վաղ պատգամավորը
համեմատություն էր անցկացրել Դանիայի ու Հայաստանի պետական համակարգի ծառայողական ավտոմեքենաների թվի միջև:
Անդրադառնալով Ֆինանսների նախարարի՝ երեկ հնչեցրած
արտահայտությանը, թե մանր բիզնեսն իրենց չի գայթակղում, ասաց. «Կռուպնի գործ անող տղերք են: Էդ կռուպնի գործերը երբվանի՞ց եք սկսել, երբ 96-ին Հրազդանի հարկայինում պետի տեղակա՞լ էիք, թե՞ ավելի ուշ, երբ ՀՀ տամոժնու պետի տեղակալն էիք»: