ՌԴ նախագահ Վլադիմիր Պուտինը և ԿԺԴՀ նախագահ Կիմ Չեն Ընը բանակցություններ են սկսել պատվիրակությունների կազմով, հաղորդում է Интерфакс-ը։
Հանդիպումը տեղի է ունենում «Կիմսուսան» նստավայրում։ Պուտինը Փհենյան է ժամանել անցած գիշեր, ԿԺԴՀ առաջնորդն անձամբ է դիմավորել նրան։
Նշվում է, որ պատվիրակությունների մասնակցությամբ բանակցություններում նախատեսվում է հարցերի լայն շրջանակի քննարկում, այդ թվում՝ էներգետիկայի, տրանսպորտի, գյուղատնտեսության, անվտանգության ոլորտներում, ինչպես նաև փոխգործակցություն միջազգային ասպարեզում: Ծրագրի կարևոր մասը երկու առաջնորդների ոչ պաշտոնական «դեմ առ դեմ» զրույցն է։