Համացանց

Արցախի նախկին պաշտոնյա Հայկ Խանումյանի ֆեյսբուքյան գրառումը․ «Հայաստանի քաղաքական էլիտաներն ավելի ու ավելի են միֆականացնում ներքաղաքական գործընթացների վրա ազդելու` արցախցիների գործոնը։ Հենց սկզբից իշխանություն ձևավորած ուժը և նրա կողմնակիցներն արցախցիներին դիտարկում էին` որպես Ռոբերտ Քոչարյանի/Սերժ Սարգսյանի կողմնակիցներ։ Սրանից դրդված, հավանաբար, եղավ արցախցիներին քաղաքացիությունից զրկելու հանցավոր որոշումը, արցախցիների երակարաժամկետ խնդիրների լուծման քիչ ընդունելի տարբերակը։ Երևի գլխավոր նպատակն այն էր, որ արցախցիները լքեն Հայաստանը։ Այնինչ, սոցհարցումները վկայում են, որ 63 տոկոսը չի պատրաստվում լքել Հայաստանը, եթե նույնիսկ հնարավորություն ունենա։ Նույն սոցհարցումները վկայում են, որ Ռ․ Քոչարյանին և նրա ուժին պատրաստ են ձայն տալ 16 տոկոսը, իսկ Ս․ Սարգսյանին ու նրա ուժին՝ 6,7 տոկոսը։ 14,2 տոկոս էլ ստացել է Գագիկ Ծառուկյանը։ Խորհրդարանական ընդդիմությունն արցախցիներին դիտում է որպես «միտինգի մատերիալ», արցախցիների հետ տարվող աշխատանքները դրա մասին են հուշում։
     Թե՛ իշխանական ուժերի, թե՛ ընդդիմության պատկերացումներն արցախցիներից եկող «սպառնալիքների» ու արցախցիներից սպասումների, չափազանցված են։ Արցախցիները, ինչպես Հայաստանի մնացած բնակիչները, ստեղծված վիճակից լուծումներ են փնտրում։ Բոլոր սոցհարցումներով բնակչության բոլոր խմբերի մոտ գլխավորը հարցը մնում է անվտանգային հարցը։ Լուծումներ չգտնող/չառաջարկող իշխանությունն ու ընդդիմությունը դատապարտված են ձախողման»: