Ռուսական զորքերը մարտի 6-ի գիշերը անօդաչուներով հարվածներ են հասցրել Ուկրաինայի տարածքին: Ուկրաինայի զինված ուժերի տվյալներով՝ ընդհանուր առմամբ Կրասնոդարի երկրամասից, Կուրսկի շրջանից և բռնակցված Ղրիմից արձակվել է 42 ԱԹՍ, որոնցից 38-ը հաջողվել է խոցել։
Անօդաչուները ոչնչացվել են Դնեպրոպետրովսկի, Օդեսայի, Խերսոնի, Խմելնիցկիի, Չերկասիի, Խարկովի, Վիննիցայի և Սումիի մարզերում: Անօդաչուներով հարձակումը տևել է 5 ժամ, գրում է УНИАН-ը:
Նշվում է, որ ռուսական զորքերն ամեն օր հարվածային անօդաչուներ են գործի դնում: Նման հարձակումների նպատակը, ինչպես նշել են ռազմական փորձագետները, ՀՕՊ համակարգի վրա ծանրաբեռնվածություն ստեղծելն է: