Ազատ ոճային ըմբիշ, Եվրոպայի չեմպիոն Վազգեն Թևանյանը Զագրեբում ընթացող միջազգային մրցաշարում դուրս է եկել եզրափակիչ և կպայքարի հաղթողի տիտղոսի համար:
Կիսաեզրափակչում 65 կգ քաշային Թևանյանը 9:1 հաշվով հաղթանակ է տարել Պուերտո Ռիկոյի ներկայացուցիչ, աշխարհի փոխչեմպիոն Սեբաստիան Ռիվեյրային և դուրս է եկել եզրափակիչ:
Նշենք՝ Թևանյանը Հայաստանի միակ ներկայացուցիչն է Զագրեբի մրցաշարում: Վարկանիշային մրցաշարին մասնակցում են հունահռոմեական և ազատ ոճի ըմբիշները, ինչպես նաև կանայք՝ ընդհանուր 550 մարզիկ։
Մրցաշարը կընթանա մինչև հունվարի 14-ը։