Միջազգային

Գիտնականները հայտարարել են, որ 2023 թվականը նախորդ տարիների համեմատ ամենառեկորդային շոգ տարին կհամարվի, հաղորդում է Guardian-ը:

«Մենք գրեթե վստահ ենք, որ 2023 թվականը կլինի գրանցված ամենատաք տարին, որը ներկայումս 1,43 C-ով բարձր է նախաարդյունաբերական միջինից»,-ասել է Սամանթա Բուրգեսը։ Մարդիկ, այրելով հանածո վառելիքները և ոչնչացնելով բնությունը, մթնոլորտ են մղել ջերմություն պարունակող գազեր, որի շնորհիվ մոլորակի ջերմաստիճանը բարձրացրել է 1,2C-ով: «Այս տարվա երաշտներն ու շոգ եղանակը հազարավոր մարդկանց մահվան պատճառ են հանդիսացել»,- ասել է Լոնդոնի Կայսերական քոլեջի կլիմայագետ Ֆրեդերիկ Օտտոն։ Գիտնական Ակշայ Դեորասի խոսքով՝ 2023 թվականի հոկտեմբերը ևս մեկ դժբախտ օրինակ է, և մեր մոլորակը շարունակում է անցնել իր օդերևութաբանական պատմության մեջ դժվարին իրադարձությունների միջով, և զարմանալի չի լինի հաջորդ ամիսներին տեսնել նոր ռեկորդներ։ Copernicus-ը պարզել է, որ միջին գլոբալ ջերմաստիճանը 2023 թվականի հունվար-հոկտեմբեր ամիսներին եղել է ռեկորդային ամենաբարձր ցուցանիշը՝ գերազանցելով 2016 թվականի 10 ամսվա միջին ցուցանիշը։