Կառավարության նիստից հետո, լրագրողների հետ ճեպազրույցում, ՀՀ ԿԳՄՍ նախարարն անդրադարձել է Արցախի պետհամալսարանի ու դասախոսների ճակատագրին. «Որևէ հաստատության վերաբերյալ առանձին քննարկում չի եղել. մեզ համար առաջնահերթ է ուսանողների կրթության իրավունքի վերականգնումը, որն ընդհատվել է՝ ԼՂ-ից բռնի տեղահանման պատճառով: Նրանց հատկացնելու ենք կրթաթոշակ, հնարավորություն են ունենալու իրենց կրթությունը շարունակել: Քննարկել ենք նաև ուսուցիչների աշխատանքի տեղավորման հարցը»: Նախարարի խոսքով՝ մի քանի հարյուր ուսանողներ արդեն դիմել են՝ ՀՀ բուհերում և քոլեջներում կրթությունը շարունակելու համար: