Միջազգային

Շվեդիայի արտաքին գործերի նախարարության ղեկավար Տոբիաս Բիլստրյոմն ասել է, որ Ֆինլանդիայի ՆԱՏՕ-ին անդամակցությունը «ամբողջական չի լինի» առանց Շվեդիայի։
     Նա նշել է, որ ուրախ է Ֆինլանդիայի համար, քանի որ ՆԱՏՕ-ին նրա դիմումի վավերացումը «կարևոր քայլ էր» և կամրապնդի երկու երկրների անվտանգությունը։
     «Սակայն, ինչպես հայտարարել է Ֆինլանդիան, իրենց անդամակցությունն ամբողջական չի լինի այնքան ժամանակ, քանի դեռ Շվեդիան չի անդամակցել դրան»,- ասվում է Շվեդիայի նախարարության հայտարարության մեջ։
     Բիլստրյոմը նշել է, որ Ստոկհոլմը «անխոնջ» կաշխատի, որպեսզի Շվեդիան նույնպես դառնա դաշինքի անդամ։ Այսպիսով, այժմ Հյուսիսատլանտյան դաշինքի բոլոր պետությունները վավերացրել են Հելսինկիի դիմումը։