ՄԱԿ-ի Մարդու իրավունքների գերագույն հանձնակատարի գրասենյակի վերջին զեկույցի համաձայն՝ Ուկրաինայում մեծ պատերազմի սկզբից ի վեր զոհվել է 5587 խաղաղ բնակիչ, այդ թվում՝ 362 երեխա, վիրավորվել է 7890 խաղաղ բնակիչ, այդ թվում՝ 610 երեխա։
Ռուսաստանի կողմից բռնազավթված տարածքներում ՄԱԿ-ը հաշվել է 302 սպանված և 1173 վիրավոր խաղաղ բնակիչ։
ՄԱԿ-ը նշում է, որ խաղաղ բնակիչները հիմնականում մահանում են հրետանային և հրթիռային հարձակումների և օդային հարվածների հետևանքով։
Յուրաքանչյուր զեկույցում ՄԱԿ-ը հիշեցնում է, որ խաղաղ բնակչության զոհերի իրական թիվը կարող է շատ ավելի մեծ լինել. դեռևս չկան ստույգ տվյալներ այնպիսի վայրերից, ինչպիսիք են Մարիուպոլը, Իզյումը, Լիսիչանսկը, Սևերոդոնեցկը, Պոպասնայան, որտեղ ենթադրաբար զոհվել են հազարավոր խաղաղ բնակիչներ։