Ուիլ Սմիթը և Քրիս Ռոքը վիճաբանել են «Օսկար» մրցանակաբաշխության ժամանակ, երբ Ռոքը բեմ է բարձրացել հայտարարելու «Լավագույն վավերագրական ֆիլմ» անվանակարգում հաղթողին:
Իր ելույթի ժամանակ Ռոքը կատակել է Ուիլ Սմիթի կնոջ՝ Ջադա Փինքեթի մասին: Փինքեթը վերջին տարիներին տառապում է մի հիվանդությամբ, որը հանգեցնում է մազերի կորստի ու ճաղատացման: Ռոքն ասել է, թե նա այս սանրվածքով պետք է խաղար «Զինվոր Ջեյն» ֆիլմում, որտեղ գլխավոր հերոսուհին ճաղատ է:
Սմիթը սկզբում ծիծաղել է, հետո բարձրացել է բեմ ու բռունցքով հարվածել Ռոքին։
Ռոքը չի դիմել ոստիկանություն: