Իրադարձություններ

Ադրբեջանը Իրանի հետ լարված հարաբերությունների պատճառով սկսել է խոչընդոտել Իրանից ՌԴ ապրանքների արտահանմանը։ Այս մասին հայտարարել է Ռուս-իրանական առևտրային պալատի տնօրենների խորհրդի անդամ Դենիս Ջալալիֆարը: Ըստ նրա, Իրանից Ռուսաստան արտահանման 80%-ը մթերային և գյուղատնտեսական ապրանքներ են, որոնց մեծ մասն ադրբեջանական Աստարայի սահմանից է ուղարկվում։ «Այդ ուղղությամբ մենք բախվում ենք սաբոտաժի և Ադրբեջանի իշխանությունները փաստացի հրաժավում են համագործակցել»,- Ջալալիֆարի խոսքերն է փոխանցում

ILNA գործակալությունը: Նրա խոսքով՝ ադրբեջանական կողմն ուղղակի չի ասում, որ սահմանը փակ է, սակայն արհեստական խոչընդոտներ է ստեղծում իրանցի գործընկերների համար։ «Սկզբում էլեկտրականությունն անջատեցին, այնուհետև ռենտգենի սարքն էր խոտանված, հետո՝ հսկող շներ չկային»,- ասել է նա՝ նշելով, որ այդ պատճառով շատ բեռնատարներ հերթ են կանգնում ​​սահմանին, որն Աստարայում հասնում է 10 կիլոմետրի։