ՀՀ-ում Մակեդոնիայի նախկին պատվո հյուպատոս Արայիկ Սարգսյանը յութուբյան էջում անդրադառնալով վարչապետի պաշտոնակատար Նիկոլ Փաշինյանի և Պաշտպանության նախարարի առաջին տեղակալ Արշակ Կարապետյանի՝ Մոսկվա կատարած այցերին, հայտարարել է. «15 օր առաջ Փաշինյանին կանչել էին Մոսկվա, շատ կոշտ զրույց ունեցել հետը, պարտադրել ընդունել, որ ՀՀ-ն ճանաչում է Արցախի Հանրապետությունը որպես Ադրբեջանի մաս, հրաժարվում է Արցախից, ճանաչում է Ադրբեջանը ներկայիս սահմաններով, տրամադրում է միջանցքներ ու ընդունում ՌԴ դոմինանտ դերակատարությունը ՀՀ-ում: Փաշինյանը, ամենայն հավանականությամբ, համաձայնության է եկել»: Ինչ վերաբերում է Արշակ Կարապետյանին, Սարգսյանն ասել է. «Արշակը, իմ տեղեկություններով, ամենայն հավանականությամբ, Մոսկվայում չէր համաձայնել ռուսների պահանջներին, ու որպեսզի պարտադրեին ստորագրել, ՌԴ Գլխավոր շտաբի հրահանգով, ադրբեջանցիները հուլիսի 28-ին հարձակում գործեցին ՀՀ սահմաններին»:
Մանրամասները՝ տեսանյութում: