Հայաստանի 2-րդ նախագահ Ռոբերտ Քոչարյանը կմասնակցի արտահերթ խորհրդարանական ընտրություններին: Այս մասին նա հայտարարել է Առաջին ալիքի «Պոզներ» ծրագրին տված հարցազրույցում:
«10 տարի ես ղեկավարել եմ երկիրը, սակայն անկուսակցական եմ։ Կմասնակցեմ կուսակցությունների դաշինքով, ամենայն հավանականությամբ՝ կլինի երկու կուսակցություն»,- հայտարարել է նա։ Քոչարյանը, սակայն, չի պարզաբանել, թե կոնկրետ որ կուսակցությունները դաշինք կկազմեն հունիսի 20-ին նախանշված արտահերթ խորհրդարանական ընտրություններին մասնակցելու համար։