Այսօր Մինսկի կենտրոնում սկսվել է Լուկաշենկոյի կողմնակիցների հակաակցիան՝ «ի պաշտպանություն Բատկայի»: Ականատեսները նկարահանել են՝ ինչպես են վաղ առավոտվանից ավտոբուսների շարասյուները մայրաքաղաքի տարբեր շրջաններից կենտրոնական հրապարակ բերում հերթական անգամ վերընտրված նախագահի կողմնակիցներին:
Բելառուսի տարբեր շրջաններում ևս ականատեսները նկատել են՝ ինչպես են պետական աշխատողներն առավոտյան ուղևորվում աշխատավայր, սակայն այնտեղ մտնելու փոխարեն նստում են մուտքի մոտ իրենց սպասող ավտոբուսներն ու ուղևորվում մայրաքաղաք:
Նշենք, որ ժամեր անց Մինսկի Անկախության հրապարակում բողոքի զանգվածային ակցիա է նախատեսել նաև ընդդիմությունը: