Խնդրում ենք սպասել...
Այսօր`  հինգշաբթի, 27 փետրվարի, 2020 թ.

Միջազգային

13-ամյա աշակերտուհին հղիացել է 10-ամյա աշակերտից

00:05, երեքշաբթի, 21 հունվարի, 2020 թ.
13-ամյա աշակերտուհին հղիացել է 10-ամյա աշակերտից

ՌԴ Կրասնոյարսկի երկրամասում 13-ամյա աշակերտուհին հղիացել է 10-ամյա տղայից: Նրանց ծնողներին միայն հայտնի է եղել, որ երեխաները ընկերություն են անում և շատ են շփվում: Նրանց Вконтакте-ի էջերի սոցիալական կարգավիճակի դաշտում նշված է՝ քաղաքացիական ամուսնության մեջ են: Նրանք բազմաթիվ համատեղ լուսանկարներ ունեն:

Հայտնի է, որ աղջկա հղիությունը 7 շաբաթական է:

Աղջկա դպրոցում տեղի ունեցածի մասին արդեն գիտեն և խոստացել են իրենց ուժերի ներածի չափով օգնել երեխային: Ըստ փոխտնօրենի՝ դեռ 2018 թվականից աղջկա ընտանիքը հաշվառված է որպես «սոցիալական վտանգավոր կարգավիճակում» գտնվող: Նա վստահ է, որ ամեն ինչ տեղի է ունեցել աշակերտուհու մոր հիվանդության պատճառով: Նրա մոտ քաղցկեղի վերջին փուլն է ընթանում: Ընտանիքի հայրն ստիպված է հոգ տանել ոչ միայն մահացող կնոջ, այլև 3 երեխաների նկատմամբ: Բացի հղիացած աղջկանից, ընտանիքում մեծանում են 3 և 5 տարեկան 2 տղաներ: Փոխտնօրենը նաև շեշտել է, որ աղջիկը շատ ծանր բնավորություն ունի, մշտապես փախչում է դասերից, վատ է սովորում, անկարգություններ է անում:

Հաղորդվում է, որ աղջկա ընտանիքը որոշել է չընդհատել հղիությունը:

ՌԴ Քննչական կոմիտեում հարուցվել է քրեական գործ այս փաստի առիթով: Կա կասկած, որ երեխայի հայրը կարող է և մեկ ուրիշը լինել: Հայրությունը որոշող գենետիկ հետաքննություն հնարավոր կլինի անցկացնել երեխայի ծնվելուց հետո:

| | |
16579 | 1
Facebook