Թուրքիայի արտգործնախարար Մեվլութ Չավուշօղլուն հայտարարել է, որ պատրաստ են օգնել՝ կարգավորել Իրանի և Միացյալ Նահանգների միջև հակամարտությունը, գրում է բրիտանական Reuters գործակալությունը:
Նախարար Մեվլութ Չավուշօղլուի խոսքով՝ Անկարան սերտ կապեր է պահպանում ինչպես Թեհրանի, այնպես էլ Վաշինգթոնի հետ: Բացի այդ, Չավուշօղլուն ասել է, որ Թուրքիայի առաջնորդ Ռեջեփ Թայիփ Էրդողանն իրաքյան իշխանություններին կոչ է արել՝ չշտապել կոալիցիոն զորքերը երկրից դուրս բերելու որոշման հարցում: