Խնդրում ենք սպասել...
Այսօր`  չորեքշաբթի, 13 նոյեմբերի, 2019 թ.

Իրադարձություններ

«Ողջի գետի աղտոտման փաստով վարույթ է հարուցվել». Էրիկ Գրիգորյան

22:05, չորեքշաբթի, 23 հոկտեմբերի, 2019 թ.
«Ողջի գետի աղտոտման փաստով վարույթ է հարուցվել». Էրիկ Գրիգորյան

Զանգեզուրի պղնձամոլիբդենային կոմբինատին պատկանող Արծվանիկի պոչամբարի մետաղյա խողովակաշարի վթարի պատճառով Ողջի գետի աղտոտման փաստով վարույթ է հարուցվել: Այսօր ԱԺ-ում հարցուպատասխանի ժամանակ հայտնել է ՀՀ շրջակա միջավայրի նախարար Էրիկ Գրիգորյանը:

Նա նշել է, որ տեսչական մարմինը ստուգումներ է նախաձեռնել, ինչի արդյունքում արձանագրվել է, որ գետի ջրերում մի շարք ծանր մետաղների թույլատրելի խտության բարձրացում կա:

Նախարարը հիշեցրել է, որ նույն վայրում նման վթար տեղի է ունեցել 2010 թվականին: Ընկերությունն այդ ժամանակ փոխհատուցել էր վնասն ու տուգանք վճարել 700-900 հազար դրամի չափով: «Կարծում ենք, որ գործող օրենսդրության շրջանակում փոխհատուցման չափը չի արտացոլում հասցված վնասի իրական ծավալը»,- ընդգծել է Գրիգորյանը:

Նա նաև նշել է, որ նախարարությունն այժմ աշխատում է պատժամիջոցների խստացման և տուգանքների չափի մեծացման ուղղությամբ:

| | |
747 | 0
Facebook
COMMENT.am