Խնդրում ենք սպասել...
Այսօր`  երկուշաբթի, 16 սեպտեմբերի, 2019 թ.

Միջազգային

Ուկրաինան և Թուրքիան անօդաչու թռչող սարքերի նոր մոդել են մշակում

16:10, երեքշաբթի, 20 օգոստոսի, 2019 թ.
Ուկրաինան և Թուրքիան անօդաչու թռչող սարքերի նոր մոդել են մշակում

Ուկրաինական «Ուկրսպեցէքսպորտ» պետական ընկերության և թուրքական Baykar Defence ընկերության առաջին համատեղ նախագիծը կլինի նոր սերնդի հարվածային անօդաչու «Akindji» թռչող սարքը։ Այս մասին գրում է ТАСС գործակալությունը՝ հղում կատարելով «Ուկրսպեցէքսպորտ» պետական կոնցեռնի մամուլի ծառայությանը:
     Ավելի վաղ «Ուկրոբորոնպրոմ»-ը և Baykar Defence-ն հիմնել էին համատեղ ձեռնարկություն, որը մասնագիտանալու է գերճշգրիտ զենքի և օդատիեզերական տեխնոլոգիաների ոլորտում:
     «Նոր սերնդի հարվածային անօդաչու թռչող սարքը մշակվել է 21-րդ դարի պահանջներին համապատասխան և նախատեսված է ինչպես թուրքական, այնպես էլ ուկրաինական զինված ուժերը զինելու համար: Դրա հիմնական առավելություններից մեկն այն է, որ մեծ ճշգրտությամբ հարվածներ կարող են իրականացվել այն զինամթերքով, որոնք օգտագործվում են սովորական ռազմական ինքնաթիռներում»,- հաղորդում է «Ուկրոբորոնպրոմ» ընկերության գլխավոր տնօրեն Պավել Բուկինը:

| | |
1183 | 0
Facebook