Խնդրում ենք սպասել...

Միջազգային

Ռուսաստանում ընտանիքի 5 անդամներին սպանած դեռահասը ինքնասպանություն է գործել

19:50, կիրակի, 18 օգոստոսի, 2019 թ.
Ռուսաստանում ընտանիքի 5 անդամներին սպանած դեռահասը ինքնասպանություն է գործել

Օգոստոսի 18-ի առավոտյան Ռուսաստանի Ուլյանովսկի մարզի Պատրիկեևո գյուղում գտնվող տանը հայտնաբերվել է 66-ամյա մի տղամարդու, 69 և 42 տարեկան կանանց, ինչպես նաև բռնի մահվան նախանշաններով երկու չորս տարեկան երեխաների մարմինները։ Ավելի ուշ, իրավապահները հայտնաբերել են ինքնասպանություն գործած 16-ամյա դեռահասի մարմինը․ հաղորդում է РИА Новости գործակալությունը։

Մարզային դատախազության ներկայացուցչի ներկայացմամբ, պատանին սպանությունից առաջ գրություն է թողել՝ նշելով, որ ինքը որոշել է մահանալ և սիրելիներին իր հետ տանել, որպեսզի նրանք չտանջվեն:

Ըստ մեկ վարկածի՝ երիտասարդը կացնով սպանել է իր ընտանիքի անդամներին, ապա ինքնասպան եղել: Նա, հավանաբար, տառապել է շիզոֆրենիայով․ գործակալությանն ասել է մարզային դատախազության ներկայացուցիչը: Ինչպես հաղորդել է REN հեռուստաալիքը, ողբերգության նախօրեին երիտասարդը ընկերոջը ձայնային հաղորդագրություն է թողել՝ բողոքելով հարազատներից:
     Աղբյուրի համաձայն՝ ընտանիքը բարեկեցիկ էր ապրում, պատանին բազմիցս մասնակցել է օլիմպիադաների և գերազանց է սովորել:

Քննիչներն այս պահին աշխատում են դեպքի վայրում․ սպանության դեպքի առթիվ հարուցվել է քրեական գործ:

7919 | 0
Facebook