ԱՄՆ նախագահ Դոնալդ Թրամփը C-Span հեռուստաալիքի հետ հարցազրույցում հայտարարել է, որ կկրճատի երկրի պաշտպանական բյուջեն, փոխանցում է РИА «Новости» գործակալությունը:
«Ներկա պահին մենք ունենք շատ ուժեղ զինված ուժեր, վերջին (ընդունված – խմբ.) բյուջեից հետո շատ ավելի հզոր: Հետո, ինչ-որ պահի, ես կկարողանամ կրճատել բյուջեն։ Սակայն մենք ստիպված էինք արդիականացնել մեր զինված ուժերը»,- ասել է Թրամփը:
Հաղորդավարի այն հարցին՝ նախատեսվո՞ւմ է արդյոք բյուջեի կրճատում, Թրամփը պատասխանել է «լիովին»: