Պատմության ողջ ժամանակահատվածում ծնողներն ու ուսուցիչները ծեծել են երեխաներին՝ փորձելով դաս տալ նրանց: Սակայն սա ոչ մի լավ բանի չի հանգեցնում, վստահեցնում են մասնագետները:
Մինչև 20-րդ դարի վերջերը երեխաների ֆիզիկական պատիժը համարվում էր ամբողջ աշխարհում համընդհանուր պրակտիկա, սակայն հետո շուրջ 50 երկիր արգելեց մարմնական պատիժների բոլոր տարբերակները:
Ահա թե ինչ վտանգներ կարող է պարունակել երեխաների ֆիզիկական պատիժը:
1. Ագրեսիայի ավելացում:
Երեխաներն, ովքեր տուժել են ծեծից, մեծ հավանականությամբ ագրեսիվ են լինելու իրենց հասակակիցների նկատմամբ, բռնություն են կիրառելու իրենց հարաբերություններում, վախեցնելու են ուրիշներին:
2. Խորանում է վատ վարքը
Երեխաներն, ովքեր դրսևորել են բացասական վարք, ինչպիսիք են ծաղրելը, ստելը, խաբելը, դասերից փախչելը, հանցակցությունը, պարբերաբար ծեծվել են:
3. Հոգեկան առողջության խնդիրներ
Հարվածները ոչ միայն ֆիզիկական ցավ են պատճառում, այլև՝ զգացմունքային: Նրանք հանգեցնում են վարքային խանգարումների, ինքնասպանության փորձերի:
4. Ճանաչողական ունակությունների նվազում
Հետազոտություններն ապացուցում են՝ այն մեծահասակներն, ովքեր ծեծվել են փոքր տարիքում, առավել հազվադեպ են ավարտել քոլեջը կամ էլ հաջողակ կարիերա ունեցել:
5. Մշտական ցիկլ
2011-ին արված հետազոտությունը պարզել է, որ ծեծված երեխաները ավելի հաճախ իրենք են դառնում ծեծող:
Մանկավարժությունն առաջարկում է այլ մեթոդներ ծեծի փոխարեն.
* բանավոր խոստում-անկեղծ զրուցեք ձեր երեխայի հետ,
*բացատրեք նրա գործողությունների հետևանքները,
*զրկեք նրան իր նախասիրություններից՝ կլինի հեռախոս, կամ այլ բան, բայց ոչ իհարկե կյանքի համար անհրաժեշտ բաներ, ինչպիսին սնունդն է,
*երեխային հնարավորություն տվեք մտածել իր վարքի մասին