Հունաստանում ավարտվեց վետերան շախմատիստների աշխարհի թիմային առաջնությունը: Հայաստանի հավաքականը, որը մրցաշարի ամբողջ ընթացքում ընթանում էր առաջատարների շարքում, ցավոք, տեղ չզբաղեցրեց լավագույն եռյակում: վերջին տուրում մեր թիմը 2-2 հաշվով ոչ-ոքի խաղաց Իտալիայի թիմի հետ և 12 միավորով կիսեց 3-6-րդ հորիզոնականները: Լրացուցիչ ցուցանիշների հաշվարկից հետո մեր թիմը զբաղեցրեց 4-րդ հորիզոնականը: Աշխարհի թիմային չեմպիոն դարձավ ԱՄՆ-ի հավաքականը, Իտալիան գրավեց 2-րդ հորիզոնականը, իսկ Իսրայելը եզրափակեց լավագույն եռյակը: